နှလုံးသားချင်းရင်းနှီးချင်တယ် (၃) ဇာတ်သိမ်းပိုင်း....

-->

လင်းလင်းတယောက်လဲ မန္တလေးမှာ ဆေးကျောင်းတက် ဘွဲ့ရပြီးနောက် အမေရိကားထွက်ပြီး ပညာဆက်သင်ဖို့ စိတ်ကူးနဲ့ စကောလာလျှောက်ထားတာ ကံကောင်းစွာနဲ့ စကောလာရပြီးနောက် သူမရည်းမှန်းချက်အောင်မြင်တဲ့ ဂုဏ်ယူမှုနဲ့ အမေရိကားမှာ ဆေးပညာဆက်လေ့လာခဲ့တယ်… အဲဒီမှာဘွဲ့ရပြီးနောက် သူမ အမေရိကားမှာပဲ အခြေချပြီး သူမ တတ်ထားတဲ့ ပညာနဲ့ အသက်မွေးဝမ်းကြောင်းပြုခဲ့တယ်… ဒီအချိန်မှာ သူမအရမ်းအောင်မြင်နေပြီ… သူမကို ချစ်ခွင့်ပန်ထားတဲ့ သူမနဲ့အမေရိကားမှာဆေးပညာအတူတူလေ့လာနေတဲ့ သူမဘက်က အစ်ကိုလိုသာ သဘောထားတဲ့ အောင်မိုး ဆိုတဲ့ သူငယ်ချင်းဆရာဝန်နဲ့ သူမတို့ကို မိဘတွေကသဘောတူနေပြီဖြစ်ပေမယ့်…့ သူမရင်ထဲမှာ ငယ်ချစ်ဦး ထွန်းမင်းကို အခုချိန်ထိမေ့လို့မရသေးဘူး… အခုဆိုရင် သူတို့ နှစ်ယောက် အဆက်အသွယ်ပြတ်ခဲ့တာ ၁၀နှစ်တောင်ကျော်ခဲ့ပြီပေါ့… သူမအသက်လဲ ၂၇ နှစ်ရှိခဲ့ပြီ… သူမတွေးမိတာက ထွန်းမင်းတယောက်လဲ အိမ်ထောင်ပြုပြီးလောက်ရောပေါ့…

လင်းလင်းနဲ့ အောင်မိုးတို့ အနေနီးခဲ့ပေမယ့် လင်းလင်း အောင်မိုးအပေါ်မှာ အစ်တယောက်ထက်ပိုပြီး တွေးကြည့် ခံစာကြည့်လို့မရခဲ့ဘူး… အခုဆိုသူမနဲ့ အောင်မိုးတို့ ဆင်ခြေဖုံးဒေသတစ်ခုက ဆေးရုံမှာ အတူတူအလုပ်ဝင်ကြတယ်… တနေ့ လင်းလင်းတို့ ဆေးရုံကို သွေးထွက်လွန်နေတဲ့ ကိုယ်ဝန်ဆောင်သည် အရေးပေါ်လူနာတယောက် ညဘက်၁၁နာရီလောက်ကြီးရောက်လာတယ်… အဲဒီနေ့ လင်းလင်းကလည်းနိုက်ဂျူတီရှိတာနဲ့ အဲဒီလူနာကို သူအပါအ၀င် ဆရာဝန်၃ယောက်လောက် မနည်းအသက်ကယ်လိုက်ရတယ်… သူခွဲစိတ်ခန်းထဲကထွက်လာတော့ အပြင်မှာထိုင်နေပြီး လူနာစောင့်နေတဲ့လူက တိုက်ဆိုင်စွာ ထွန်းမင်းဖြစ်နေတယ်… ထွန်းမင်းကသူ့ကို မမြင်ပဲ… စိတ်ပူနေတဲ့မျက်နှာနဲ့ မျက်စိမှိတ်ပြီး ဆုတောင်းနေပုံရတယ်… ဒါနဲ့ သွားနှုတ်ဆက်ဖို့ ချီတုန်ချတုန်ဖြစ်နေတုန်း… ကျန်ဆရာဝန်၂ယောက်ထဲက တယောက်က ထွန်းမင်းအနားကို လောလောကတ်သွားပြီး… မိခင်ရောကလေးပါ… အခြေအနေကောင်းကြောင်း စိတ်ပူဖို့မလိုကြောင်း… ကလေးကယောက်ျားလေးဖြစ်ကြောင်းပြောနေတော့… လင်းလင်းသဘောပေါက်လိုက်ပြီ… သူမတွေးထင်မိတဲ့အတိုင်း ထွန်းမင်းတယောက် အိမ်ထောင်ကျသွားခဲ့ပြီ… ဒါနဲ့ သူမထိန်းနိုင်ပဲ စီးကျလာတဲ့ မျက်ရည်များကို လက်ဖမိုးနဲ့ ကမန်းကတမ်းသုတ်ပစ်ရင်း အပြေးတပိုင်းနဲ့ သူမနားနေခန်းထဲ သူမပြန်လာခဲ့တယ်…

ရုံးခန်းထဲမှာ သူမကိုသူမ တည်ငြိမ်အောင်ကြိုးစားရင်း သူမဆုံးဖြတ်ချက်တစ်ခုချမိလိုက်တယ်… ထွန်းမင်းတောင်သူမကိုမေ့ပြီး တခြားတယောက်နဲ့ အိမ်ထောင်ပြုလိုက်ပြီး ကလေးတောင်ရနေပြီပဲ… ငါလည်း ငါ့လမ်းငါသွားဖို့ အချိန်တန်နေပြီလို့ စိတ်ဆုံးဖြတ်လိုက်ပြီး… အောင်မိုးဆီ ချက်ချင်းဖုန်းကောက်ဆက်ပြီး လက်ထပ်ခွင့်တောင်းထားတာကို အဖြေပေးလိုက်တယ်… သူမ ဒီအဖြေနဲ့ ပတ်သက်လို့ နောင်တရမှုမရှိအောင် ကြိုးစားတယ်… ဒါပေမယ့် သူမ ထွန်းမင်းအကြောင်းပဲ တွေးတွေးမိနေတယ်… ထွန်းမင်းကို တွေ့ခဲ့တာ ၁လကျော်တောင်ရှိသွားပေမယ့် သူ့ရဲ့  ပုံရိပ်တွေကို သူမခေါင်းထဲက ထုတ်ပစ်လို့ မရသေးဘူ… ဟုတ်တယ် ထွန်းမင်းအရင်ကလိုပဲ ရုပ်ရည် ချောမောတုန်းပဲ… ပိုပြီးရင့်ကျက်တည်ငြိမ်လာလို့ ပိုချောလာသယောင်ထင်ရတယ်… ဒါပေမယ့် သူမအဲဒါတွေတွေးမိတိုင်း သူမကိုသူမ အပြစ်တင်တယ် မကျေနပ်ဘူး… မယားရှိတဲ့ ယောက်ျားတယောက်ကို စိတ်ကူးယဉ်တာအတွက် သူမဘာသာသူမရှက်မိတယ်…

ဒီနေ့သူမ အချိန်ပိုဆင်းနေရတယ်… ည၈နာရီလောက် အလုပ်ပြီးသွားတော့ ပင်ပန်းလာလို့ ဘတ်စ်ကားမစောင့်ချင်တော့တာနဲ့ တိုက်စီနဲ့ပဲပြန်ဖို့ စိတ်ကူးလိုက်တယ်... အရင်ဆုံးလာတဲ့ တိုက်စီပေါ် တက်ပြီး သွားမယ့်နေရာမပြောရသေးခင်မှာပဲ… သူမနာမည်ကို အံ့သြစွာခေါ်လိုက်တဲ့အသံကြားရတယ်… ကြည့်လိုက်တော့ တိုက်စီမောင်းတဲ့လူက ထွန်းမင်းဖြစ်နေတယ်… သူမလည်းအံ့အားသင့်သွားပြီး သူ့ကိုနာကျင်တဲ့စိတ်ကိုမေ့သွားကာ “ကိုထွန်းမင်း”လို့ ၀မ်းသာအားရခေါ်လိုက်မိတယ်… ဒါဟာ သူတို့နှစ်ယောက် တယောက်နာမည်တယောက် ပထမဆုံးအကြိမ်နေနဲ့ နှုတ်ကဖွင့်ခေါ်ဖူးကြခြင်းပဲ… လင်းလင်းရင်ခုန်သွားတယ်… ဒါပေမယ့် လင်းလင်းရုတ်တရက် ပြန်သတိရသွားတာက ထွန်းမင်းမှာ မယားနဲ့ သားနဲ့ ရှိနေပြီဆိုတာပဲ… ဒါကြောင့်သူမကိုသူမ ပြန်ထိန်းပြီး… ထွန်းမင်းကို ဘယ်ကနေဘယ်လိုဒီရောက်နေကြောင်းစမေးမိတယ်… ထွန်းမင်းကလည်း… သူရန်ကုန်ပြန်ရောက်ပြီး လင်းလင်းကို မတွေ့တော့တာနဲ့ သင်္ဘောလိုက်ရင်းကနေ အဆက်အသွယ်နဲ့ အမေရိကားကို ရောက်လာကြောင်း… အခုသူ မနက်ပိုင်းမှာ ရုံးဝန်ထမ်းလုပ်ပြီး ညပိုင်းမှာ တိုက်စီငှားပြီး မောင်းရင်း အပိုဝင်ငွေရှာကြောင်းပြောပြတယ်… လင်းလင်းကောက်ချက်ချမိတာက သူ့မိသားစုကို တော်တော်ချစ်ရှာမှာပဲလို့ပေါ့….

ဒါနဲ့ လင်းလင်းက စကားလမ်းကြောင်းစပြီး… အိမ်ထောင်တွေဘာတွေကျနေပြီလားလို့ မေးတော့ ထွန်းမင်းက မရှိသေးကြောင်း ပြုံးရွှင်စွာ ပြန်ဖြေတာ တွေ့တော့… လင်းလင်း သူ့ကို စက်ဆုပ်သွားမိတယ်… မယားနဲ့ သားမျက်နှာမှ မငဲ့ပဲ ညာတဲ့ အတွက်ကြောင့်ပေါ့… ဒါနဲ့ လင်းလင်းဒေါသထွက်သွားပြီး မခံချင်တာနဲ့ သူအရင်လက ဆေးရုံမှာတွေ့ခဲ့တဲ့ အဖြစ်အပျက်ကို ပြောပြပြီး ဆက်မလိမ်ဖို့ ပြောတဲ့အခါ… ထွန်းမင်းကနေ… လင်းလင်းအထင်လွဲနေပြီဖြစ်ကြောင်း ပြောပြတယ်… အဲဒီကိုယ်ဝန်ဆောင် အမျိုးသမီးကို မိုးသည်းသည်းထဲမှာ သူ့ကားနဲ့ တိုက်မိတဲ့အတွက် ဆေးရုံခေါ်လာပြရကြောင်း… တခုခုဖြစ်ခဲ့လျှင် တရားခံကသူပဲမို့ အရမ်းစိတ်ပူခဲ့ရကြောင်း သူမကို ပြန်ရှင်းပြတယ်…

သူရှင်းပြလို့ပြီးတော့ ကားက လင်းလင်းတို့ တိုက်ရှေ့ရောက်နေပြီ… လင်းလင်းလဲ… ထွန်းမင်းအိမ်ထောင်မကျသေးကြောင်းသိလိုက်ရတော့ ပျော်သွားတယ်…ထွန်းမင်းကိုလဲ သူ့အိမ်အောက်က စားသောက်ဆိုင်ထဲခေါ်ပြီး စကားဆက်ပြောကြတယ်… ထွန်းမင်းက အဲဒီနေရာမှာပဲ… လင်းလင်းကို သူချစ်နေရတယ်ဆိုတဲ့ မိန်းကလေးက လင်းလင်းဖြစ်ကြောင်း ဖွင့်ပြောပြီး… လင်းလင်းကို ချက်ချင်းလက်ထပ်ခွင့်တောင်းလိုက်တယ်… ဒါပေမယ့် လင်းလင်းက အောင်မိုးကိုလက်ထပ်ခွင့်ပေးပြီးပြီ ဖြစ်ကြောင်းပြောလိုက်တော့… လင်းလင်း စိတ်ပြောင်းသွားရင် သူ့ကို အသိပေးပါ ဒါမှမဟုတ် မင်္ဂလာဆောင်တဲ့ အခါသူ့ကို ဖိတ်ပါဆိုပြီး… ထွန်းမင်းတယောက်လိပ်စာကတ်ထားခဲ့ပြီး… စိတ်ဓာတ်ကျစွာနဲ့ ဆိုင်က ထွက်လာခဲ့တယ်…

လင်းလင်း နောင်တတွေရနေပြီ… အောင်မိုးကိုလဲ အားနာတယ်… ထွန်းမင်းကိုလဲ သူချစ်တယ်… ဒီတော့ သူတစ်ခုဆုံးဖြတ်လိုက်တယ်… အကယ်၍ ထွန်းမင်းကို သူမ ဦးနှောက်နဲ့ တွေးပြီး လက်ခံနိုင်တဲ့ အခြေအနေရှိတယ်ဆိုရင်… သူမ အရဲစွန့်ပြီး သူမ နှလုံးသားနဲ့မဟုတ်ပဲ ဦးနှောက်သက်သက်နဲ့ ရွေးခဲ့တဲ့ အောင်မိုးကို ဖွင့်ပြောပြီး တောင်းပန်ရတော့မယ်… သူမထွန်းမင်းပေးတဲ့ လိပ်စာကတ်အတိုင်း သွားပြီး… ထွန်းမင်းရဲ့  အကြောင်းကို လက်လှမ်းမှီသလောက် စုံစမ်းခဲ့တယ်… ထွန်းမင်းရဲ့  ရုံးကိုလည်းသွားပြီး ထွန်းမင်းမသိအောင် စုံစမ်းခဲ့တယ်… အားလုံးစုံစမ်းပြီးနောက် ထွန်းမင်းကို သူမ နှလုံးသားနဲ့ရော ဦးနှောက်နဲ့ပါ လက်ခံနိုင်မှန်းသိလာခဲ့တယ်…

ဒါနဲ့ သူမ အောင်မိုးကို သူမဖြစ်ရပ်စုံကို ရှေ့မျက်နှာနောက်ထားပြီး ပြောပြတောင်းပန်ခဲ့တယ်… အောင်မိုးကလည်း မခံချင်ဖြစ်ပေမယ့် ပညာရှိ လူကြီးလူကောင်းပီပီ… သူမကို စာနာနားလည်ပေးခဲ့တယ်… ဒီလိုနဲ့ သူမ ထွန်းမင်းဆီ ဖုန်းဆက်ပြီး အိမ်အောက်က စားသောက်ဆိုင်မှာပဲ ညနေဘက်တွေ့ဖို့ ချိန်းလိုက်တယ်… ထွန်းမင်းအပြုံးမျက်နှာနဲ့ ဆိုင်ထဲဝင်လာတာကို လင်းလင်းပြုံးကြည့်နေရင်း တွေးမိတာက ဖူးစာမှန်ရင် ပြန်ဆုံကြတာပဲလေ… ထွန်းမင်းက ပျော်ရွှင်စရာ အဖြေလားလို့ မေးတော့… လင်းလင်းကနေ…

“အစ်ကို ညီမတို့ စိတ်ချင်းရော လူချင်းရော ရင်နှီးခဲ့ကြပြီးပြီ… ဒီအချိန်ကစပြီး နှလုံးသားချင်း တဘ၀လုံး ရင်းနှီးသွားကြရအောင်နော်…” လို့ ပြောလိုက်တော့ ထွန်းမင်းခမျာသေမတတ်ပျော်သွားပြီး လင်းလင်းကို တင်းတင်းကြပ်ကြပ်ဖက်ထားလိုက်မိတယ်… ထွန်းမင်းကနေ…

“ညီမအနားက အစ်ကိုဘယ်တော့မှထွက်မသွားတော့ဘူး… တသက်လုံးညီမအနားမှာပဲ ခင်ပွန်းကောင်းတယောက်နေနဲ့ ကြင်နာ စောင့်ရှောက်သွားမယ်…” ပြောပြီး နှစ်ယောက်လုံး အပျော်ကြီးပျော်ပြီး ကမ္ဘာလောကကြီးကို မေ့သွားကြတယ်…

.......................................................

အချိန်ပေးပြီး ဖတ်ပေးတဲ့ မိတ်ဆွေ အားလုံးကို ကျေးဇူးတင်ပါတယ်.....

ကွန်မန့် လေးတွေ အမှတ်တရချန်ခဲ့ပေးပါနော်...